Në kuadër të bashkëpunimit të vazhdueshëm ndërmjet Universitetit “Ukshin Hoti” në Prizren dhe kompanisë PULSE Electronics, edhe këtë vit është realizuar shpërndarja e laptopëve për studentët bursistë si formë mbështetjeje për suksesin e tyre akademik.

Fakulteti Ekonomik ka kënaqësinë të njoftojë se studentja Aurela Rexhëbeçaj, e cila është bursiste në këtë fakultet, është përfituese e një laptopi. Ky donacion përfaqëson një vlerësim për përkushtimin, seriozitetin dhe arritjet e saj të dalluara gjatë studimeve.

Prodekani i Fakultetit Ekonomik, Prof. Ass. Dr. Kushtrim Gashi, priti në takim bursisten Rexhëbeçaj për t’i shprehur mirënjohje dhe për ta përgëzuar për këtë arritje. Ai theksoi rëndësinë e bashkëpunimit me sektorin privat në mbështetjen e studentëve të dalluar dhe në krijimin e kushteve më të mira për zhvillimin e tyre profesional dhe akademik.

Fakulteti Ekonomik dhe Universiteti “Ukshin Hoti” shprehin falënderim të veçantë për kompaninë PULSE Electronics për kontributin e qëndrueshëm në përkrahje të arsimit cilësor dhe të rinjve të talentuar, duke dëshmuar njëherazi përgjegjësi të lartë sociale dhe angazhim në zhvillimin e komunitetit akademik.