Në kuadër të realizimit të aktiviteteve praktike të lëndës Menaxhimi i Potencialeve Turistike, studentët e Fakultetit Ekonomik, programi Menaxhment Ndërkombëtar, zhvilluan një vizitë studimore në një biznes që operon në sektorin e hotelerisë dhe turizmit.

Kjo vizitë kishte për qëllim përvetësimin e njohurive praktike dhe thellimin e kuptimit mbi funksionimin real të industrisë së turizmit, duke u fokusuar në proceset menaxheriale dhe operative, organizimin e shërbimeve hoteliere si dhe menaxhimin e përvojës së klientit.

Vizita u realizua nën organizimin dhe udhëheqjen e Prof. Asoc. Dr. Venet Shala, me mbështetjen e asistentes së lëndës Mr. sc. Vjona Rexhaj, të cilët shoqëruan studentët gjatë gjithë aktivitetit dhe kontribuuan në orientimin e tyre profesional.

Aktivitetet e tilla përfaqësojnë një komponent të rëndësishëm të procesit mësimor, duke ndërlidhur teorinë me praktikën dhe duke përgatitur studentët për sfidat reale të tregut të punës në sektorin e turizmit.