Këshilli Shtetëror i Cilësisë(KSHC) i Agjencisë të Kosovës për Akreditim(AKA) ka vendosur që Programin e studimeve të nivelit Master  “Administrim Biznesi” ta ri-akreditoj për periudhën 3-vjeçare.  Vendimi është marr në mbledhjen e fundit të KSHC-së.

Me këtë rast Rektori i Universitetit “Ukshin Hoti” në Prizren, Prof. Asoc. Dr. Mentor Alishani ka falënderuar të gjithë stafin e angazhuar në procesin e ri-akreditimit të këtij programi të studimeve për punën e bërë, e cila është shënuar me rezultat pozitiv.

Ky program i studimeve dy-vjeçare(120 ECTS), i cili është në kuadër të Fakultetit të Ekonomisë, ofron kualifikime postdiplomike në fushën e menaxhimit të biznesit. Programi i studimeve është i hartuar veçanërisht për studentët të cilët kanë përfunduar studimet themelore në fushën e biznesit dhe të cilët duan që të avancojnë njohuritë dhe shkathtësitë strategjike dhe planifikuese për t’i aplikuar ato në menaxhimin e bizneseve, jo vetëm në tregun e brendshëm por edhe në tregjet ndërkombëtare.