Fakulteti Ekonomik në Universitetin “Ukshin Hoti” Prizren lidhi bashkëpunim me Fakultetin Ekonomik dhe Shkollën e Lartë Profesionale në Universitetin “Dokuz Eylul” Izmir nga Turqia.

Gjithashtu, Fakulteti Ekonomik në Universitetin e Pamukkale nga Turqia ka nënshkruar një marrëveshje bashkëpunimi në fushën e mësimdhënies dhe kërkimit shkencor. Hapi i parë i kësaj marrëveshje përfshin shkëmbimin e studentëve, personelit akademik dhe administrativ në nivel Baçelor dhe Master, si dhe aplikimin në projekte ndërkombëtare ( Erasmus+, Horizon Europe), dhe mentorimin në nivel PhD mes këtyre dy fakulteteve.

Fakulteti Ekonomik nga Universiteti ‘’Ukshin Hoti’’ Prizren, u përfaqësua nga prodekani i këtij fakulteti Prof. Ass. Dr. Luan Vardari.

Përfundimi i kësaj marrëveshje është një arritje e rëndësishme për Universitetin dhe Fakultetin Ekonomik, pasi forcon pozitën e tyre institucionale e ndërkombëtare.