Ju njoftojmë se është hapur mundësia për Praktikë në Punë në kuadër të Projektit të Industrive Kreative të UNDP-së, me mbështetje nga Vullnetarët e Kombeve të Bashkuara (UNV).

 Pozita: Asistent Kreativ
 Vendndodhja: Në tërë territorin
 Kohëzgjatja e angazhimit: 4 muaj
 Orari: Kohë e plotë (5 ditë në javë)

Programi synon të angazhojë të rinjtë e moshës 18–30 vjeç për të fituar përvojë profesionale, aftësi praktike dhe zhvillim personal, veçanërisht në sektorin kreativ.

 Kush mund të aplikojë:

• Studentë të universiteteve publike dhe private
• Studentë në vitin e fundit ose të sapodiplomuar
• Persona me interes në angazhim komunitar, biznes/organizata joqeveritare dhe industri kreative

 Përfitime:

• Shpërblim mujor 286.78 EUR
• Sigurim shëndetësor nga CIGNA International
• E drejtë pushimi: 2.5 ditë në muaj
• Zhvillim profesional dhe personal

Studentët e interesuar lutemi të ndjekin procedurat e kërkuara të aplikimit sipas informatave zyrtare dhe të përgatisin dokumentacionin e nevojshëm.

Për më shumë informata, ju lutemi konsultoni shpalljen zyrtare ose kontaktoni Zyrën për Karrierë/Zyrën për Marrëdhënie Ndërkombëtare në universitet. Poashtu të interesuarit të lajmërohen te Ass. Isuf Qabrati.